حد يلحقنى بسرعة مش عارف اعمل أيه

انا اشتريت موبيل 5220c الجديد اللى شبه5310 فى شهر اكتوبر اللى فات كان لسه نازل مبقلوش 5 ايام المهم انه مكملش معايا يوم واتخرس مبقاش يتطلع صوت رحت الضمان حجزه عنده واستلمته بعد 22 يوم وبعد كده قعد يهنج ويفصل لوحده ويتصل بالنمر لوحده ولما حد يتصل ميجبش اسمه ولو جاب اسمه تفضل النغمة شغالة والاسم موجود لحد ماشيل البطارية وفيه عيوب تانى كتير بس علشان مطولش عليكم انا روحت الضمان تانى وحجزه الكلام ده من اسبوعين واستلمته يوم الثلاثاء الماضى ومن ساعة ما جبته من الضمان وهو بايظ وذاكرة العدة نفسها راحت فى الباي باي مش عارف اعمل ايه انا مش عايز اوديه الضمان علشان انتو عرفين اللى بيجيب عدة جديدة بيحب يفرح بيها شوية وانا لحد دلوقتي مش عارف افرح بيها حد يقولى حل
وشكرا

بص هو تقريبا الموبايل شكله بايظ أصلا من ساعة ما اشتريته، انت تروح للشركة وتقولهم رجعوا الموبايل وهاتوا غيره، أصل كل ما تصلح فيه حاجة التانية تبوظ.
ده اقتراحي بصراحة

شكرا على اقتراحك بس انا فعلا عملت كده قولولى ملناش دعوة طالما تنفع تتصلح هنصلحها وده شغلنا انت مش هتيجي تعرفنا شغلنا بس والله انا معملتش فى العدة حاجة انا اشترتها الساعة 11 مساءا ودخلت نمت ولما صيحت وانا رايح الكلية لقتها مبطلعش صوت نهائي ورغم كل المشاكل دى وانها باظة فى خلال 24 ساعة مش راضين يقدروا ذلك ويغيروها والله انا ابن خلتى كان مشترى عدة n73 ووقعت منه من الدور التانى وطبعا قطعت ميه ونور وكان ناقص على الضمان بتعها وينتهى 4 ايام راح الضمان قالولو اتصل بينا كمان يومين اتصل بيهم كمان يومين قالولو تعالى استلم عدة جديدة مش عارف هى نحس معايا ليه

هي تقريبا يا ميدو بتبقى حسب الضمان، يعني انا سمعت ان ضمان i2 هو انضف ضمان في مصر، فتقريبا هي دي المشكلة

ما هو ده اللى يجنن انى الضمان واحد رااااااااااااااااااااااااااااااااااااااااااااااااااااااااااية

بص انا من رايى انك عندك 3 حلول لا رابع لهم :::::
1- روح بالموبايل للضمان عشان لو حصلت فيه اى حاجة من الضمان يبقى انت ملكش دعوة .
2- بيع الموبايل ده لانك بعد ماحصل فيه كل اللى قولته ده يبقى كده بايظ ومش هايفيدك فى حاجة ولو قعد معاك اكتر من كدة احتمال يسكت وماتسمعلوش صوت تانى .
3- أما الحل الأخير بقى ده وانا ماشجعكش تعمله انك تعمل software جديد للموبايل .


ويا ريت تقولى عملت ايه ....................................

شكرا على اهتمامك وردك على الرسالة وبصراحة حلولك ممتازة جدا والحمد لله انا خلصت من مشكلة التليفون بعد دخوله الضمان 17 مرة انا رحت اتخنقت معاهم وطلبت اقابل المدير وعملت هناك ازعرينة جامدة هدونى وجابولى ملبس بالقهوة وشوب ليمون كبير من الاخر بيقرطسونى علشان اسكت بس انا طلعت ناصح شربت الليمون وقمت كملت ودخلت فيهم شمال اوى يعنى من اللى انا شوفته العدة معايا بقلها 4 شهور ممسكتهاش غير حوالى 10 ايام والباقى فى الضمان المهم بعد كدة قالولى احنا هنحولها على طول على مركز الصيانة الرئيسية وانشاء الله هتتغير المهم اتصلوا عليا بعديها ب4 ايام وقالولى العدة بتعمل عليها تقرير ان كانت هتتغير ولا هتتصلح المهم صلحوها بس المرة دى بجد بس بقى الشاشة اتجرحت والمسامير مفتوحة بطفاشة وشكلها يقرف وهو ده الضمان انا كرهت حاجة اسمها تليفونات محمولة خلاص ملها التليفونات الارضية؟؟؟؟؟

الجهاز اتصلح يا ميدو ولا عملت ايه

يا راجل، ألف ألف مبروك، عايزين الساقع بقى حلاوة تصليح الموبايل

صندوق انشاء الله بس انت فين ياباشا..........................