من المنتصر في الحرب على غزة؟؟؟

بعد انتهاء الحرب الصهيونية على غزة والتي استمرت 24 يوما، من وجهة نظرك من الذي اتصر في هذه الحرب، هل هي اسرائيل، أم المقاومة الفلسطينية في القطاع، أم ان الحرب انتهت بلا فائز ولا خاسر

انا فى راي ان المقاومة الفلسطينية هى الفائزة وعايزين نعرف اسرائيل وقفت العدوان علشان المبادرة المصرية فعلا ولا علشان اوباما عايزين نعرف رايكم يا شباب

انا بعد تفكير عميق اكتشفت ان مفيش حد كسب لان لكل واحد مكسب وخسارة مثلا فلسطين فازت ازاى وكل اللى ماتوا واتصابوا دول فين بس المقاومة اثبتت ان اسرائيل لن تقدر عليها واسرائيل مكسبها انها موتت ناس كتير ودمرت غزة بس لو شفت هى صرفت فلوس اد ايه على الحرب ديه حوالى 4 مليار دولار يبقى كده فى رايي ان الحرب او العدوان انتهى بالتعادل وانا شايف ان هو ده الصح مفيش حد كسب ولا حد خسر وشكرا

انا من وجهة نظرى ان الخاسر الوحيد هم العرب ففلسطين بالوفات من ضحاياها والعرب كل يوم بيعرفوا العالم كله انهم جبناء وقيمتهم بتقل كل يوم عن التانى واللى بيقول فلوس الاسلحة فلوس الاسلحة دية فلوسنا من الشركات اليهودية فى مصر الفلوس دية اللى شعب المصرى بيتعب بيها هى دية الفلوس لكن اسرائيل لن ارى انها خسرت الكثير فهى دمرت غزة تمام وبالنسبة لحماس كيف انتصار حماس بهذا العدد من الضحايا انها لا تقدر على مقاومة اسرائيل فالفرق شاسع بينها وبين حماس فهذة هى وجهة نظرى المتواضعة

اسرائيل كان من أهدافها انها تقضي على المقاومة الفلسطينية وتقضي على صواريخ المقاومة وتمنع تهريب الأسلحة، العملية العسكرية استمرت 23 يوم ولم تحقق أي هدف من أهدافها، في العلوم العسكرية لما تفشل احدى القوى في تحقيق أهدافها فإنها لا تعتبر منتصرة، طيب المقاومة حققت أهدافها ولا لأ. المقاومة كان هدفها انها تمنع اسرائيل من التوغل في قطاع غزة، ونجحت في ذلك، مجرد الصمود في وجه كل تلك الأسلحة لمدة 23 يوم يعتبر انتصار ساحق، دلائل كثيرة تقول ان المقاومة انتصرت في هذه الحرب

احنا هنقعد نقول العلوم العسكرية بتقول ايه احنا لينا بالواقع هم حماس حققوا هدفهم بس خسروا كتير ارواح ومنازل وكل حاجة واسرائيل اه معرفتش تححق هدفها وخسرت فلوس بحوالى 4 مليار دولار لان الاحصائية اللى اتعملت صدر فييها ان اسرائيل فى الحرب دى كانت بتصرف او بتهلك اسلحة بمقدار 200 الف دولار يوميا بس حققت انها وخلت العالم كله يعرف قوتها وعرفت العالم ان العرب دول ولا ليهم اية لازمة يعنى ولا ده كسبان ولا ده كسبان

احنا هنقعد نقول العلوم العسكرية بتقول ايه

أمال نقول ايه، ربنا بيقول فاسألوا أهل الذكر ان كنتم لا تعلمون، وفي الحروب أهل الذكر هم العسكريين، يعني لازم نعرف العلوم العسكرية بتقول ايه، مننكرش ان أهل غزة خسروا كتير، لكن برضه في انتصار للكرامة الفلسطينية والعربية، في وضع جديد في المنطقة بيقول ان المقاومة فرضت نفسها وبقوة على الساحة

لكن برضه في انتصار للكرامة الفلسطينية والعربية،

الكرامة الفلسطينية فقط هم العرب عملوا ايه دى كرامتهم بقت فى الطين لما يسكتوا على اللى حصل ده بيتكلم على الفاضى علشان العالم كله عارفين ان العرب دول بتاعوا كلام ع الفاضى

يا جماعة الحرب مش هتنفع بدون خسائر فى الارواح
ومش معنى انوا فى خسائر يبقة فلسطين خسرت بالعكس ياجماعة بجد كفاية الروح المعناوية ناس كتيرة اتصلت بناس فلسطنية[إتصال عشوائى ] اثناء 23 يوم بيقولوا هما الى كانوا بيصبرونا مش احنا الى بنصبرهم على الى هما فية
بجد دة لوحدوا إنتصار
غير كدة اسرائيل محققتش ولا هدف من اهدافها ودة انتصار اكبر

اسرائيل دمرت فلسطين واثبتت انى العرب ولا ليهم اى لزمة ودة لوحدة مكسب لاسرائيل وغير بقى عدد الضحايا والشهداء لا طبعا اسرائيل استفادت

انا من رايى
وبلسان طه
الحرب انتهت
بالتعادل الايجابي كمان
لكلا الطرفين